Í Tilkynningum til sjófarenda eru einnig birtar ýmsar tilkynningar og aðvaranir er varða siglingar. Þá eru leiðréttingar á Vitaskrá birtar þar. Ritið er gefið út eftir þörfum en að jafnaði í lok hvers mánaðar.

Listi yfir gild sjókort og tilkynningar til sjófarenda í þau hefur að geyma upplýsingar um sjókort sem eru í gildi á hverjum tíma. Jafnframt er í listanum getið um leiðréttingar á sjókortunum.

Lykillinn að því að finna tilkynningar í tiltekið sjókort er að fara í listann yfir tilkynningar og finna þar viðkomandi kort og sjá þannig hvort um einhverjar tilkynningar er að ræða og þá hvaða.