TF-LIF fór í loftið frá Akureyrarflugvelli klukkan 11:16 og eftir um hálftíma leit fannst piltinn látinn.
13.12.2019 Kl: 15:23
Laust eftir hádegi í dag fann áhöfn TF-LIF, þyrlu
Landhelgisgæslunnar, piltinn sem saknað hefur verið frá því á miðvikudagskvöld, eftir
að hann féll í Núpá í Sölvadal, látinn.
Þyrlan lenti skammt frá og var lögreglu og
björgunarsveitum á vettvangi strax gert viðvart. Eins og fram kom í tilkynningu
lögreglunnar á Norðurlandi Eystra voru aðstandendur piltsins upplýstir, sem og
norska sendiráðið á Íslandi.
TF-LIF fór
í loftið frá Akureyrarflugvelli klukkan 11:16 og eftir um hálftíma leit fannst
piltinn látinn, laust eftir klukkan 12. Auk áhafnar var um borð sérhæfður
leitarmaður frá Slysavarnafélaginu Landsbjörg.
