Varð vélarvana um 30 sjómílur vest-norðvestur af Garðskaga
21.1.2019 Kl: 12:00
Stjórnstöð Landhelgisgæslunnar barst beiðni um aðstoð frá
fiskiskipinu Kristínu GK síðdegis í gær en skipið var þá vélarvana um 30
sjómílur vest-norðvestur af Garðskaga. Varðskipið Týr var þá úti fyrir Keflavík
og hélt þegar í átt að fiskiskipinu. Áhöfn varðskipsins skaut línu yfir í
skipið á tíunda tímanum í gærkvöldi og hélt að því búnu með það áleiðis til
Hafnarfjarðar. Varðskipið kom með skipið til Hafnarfjarðar snemma í morgun en
hafnsögubáturinn Hamar tók þá við og fylgdi því síðasta spölinn að
bryggju. Meðfylgjandi myndir eru teknar af
Guðmundi St. Valdimarssyni.
Kristín GK varð vélarvana 30 sjómílur vest-norðvestur af Garðskaga.
Áhöfn Týs undirbýr dráttinn.
Tveir varðskipsmanna horfa í átt að Kristínu GK.
Kristín GK var dregin til Hafnarfjarðar.
Áhöfn varðskipsins Týs.
