TF-LIF og færeyskt varðskip í viðbragðsstöðu
24.8.2018 Kl: 11:55
TF-LIF, þyrla Landhelgisgæslunnar, var kölluð út á ellefta
tímanum í morgun eftir að eins hreyfils bandarísk flugvél sendi frá sér
neyðarkall vegna gangtruflana í hreyfli. Flugvélin var þá stödd um 150 sjómílur
frá Færeyjum en flugmaður vélarinnar áætlaði að lenda á flugvellinum í Vogum.
TF-LIF var send áleiðis til Hafnar í Hornafirði, til að vera þar í
viðbragðsstöðu. Stjórnstöð Landhelgisgæslunnar hafði samband við
björgunarmiðstöðina í Þórshöfn sem gerði færeyska varðskipinu Brimli viðvart
auk þess sem flutningaskip í grenndinni var látið vita, ef á þyrfti að halda.
Vélin lenti heilu og höldnu í Færeyjum klukkan 11:19 að íslenskum tíma en þá
var TF-LIF snúið við.
