Dómnefnd Víkurfrétta valdi Guðmund mann ársins 2018.
24.1.2019 Kl: 13:32
Guðmundur Ragnar Magnússon, stýrimaður og sigmaður hjá Landhelgisgæslunni, er maður ársins 2018 á Suðurnesjum að mati dómnefndar Víkurfrétta. Guðmundur fékk viðurkenninguna afhenta þegar hann fór í sitt fyrsta flug eftir að hafa rifbeinsbrotnað við björgunaraðgerðir flutningaskipsins Fjordvik í nóvember. Guðmundur Ragnar og áhöfn TF-GNA, þyrlu Landhelgisgæslunnar, bjargaði þá fimmtán við erfiðar aðstæður.
„Tilfinningin er mjög góð. Það er heiður að hafa lent inn á þessum lista,“ sagði Guðmundur Ragnar í samtali við Víkurfréttir í gær. Rætt er við hann í blaðinu og einnig í Suðurnesjamagasíni sem sýnt er í kvöld á Hringbraut.
Landhelgisgæslan er afar stolt af sínum manni og óskar honum innilega til hamingju með útnefninguna.
Umfjöllun í Suðurnesjamagasíni
Guðmundur Ragnar með viðurkenninguna. Mynd: Hilmar Bragi, Víkurfréttir.
Guðmundur Ragnar Magnússon og Páll Ketilsson, ritstjóri Víkurfrétta. Mynd: Hilmar Bragi, Víkurfréttir.
