Áhöfn varðskipsins fór um borð í Arlington og meðferð slasaðra var meðal annars æfð.
8.4.2022 Kl: 15:19
Hefur varðskipið Þór minnkað, er bandaríska herskipið Arlington svona stórt eða er sjónarhornið að blekkja?
Þessi skemmtilega mynd var tekin af skipunum tveimur á æfingu áhafna þeirra í gær en áhöfn varðskipsins hefur í vikunni tekið þátt í Norður-Víkingi 2022. Í gær voru tveir harðbotnabátar varðskipsins við æfingar við skut Arlington en skutlúgu skipsins var slakað niður og lögðust bátarnir þar upp að. Fjórir úr áhöfn Þórs fóru um borð í Arlington og fór æfing í meðferð slasaðra meðal annars fram um borð í bandaríska skipinu. Íslensku varðskipsmennirnir fengu góðar móttökur um borð.Páll Geirdal, skipherra á Þór, fylgdist með æfingunni sem gekk eins og í sögu.Páll Geirdal, skipherra á Þór, fylgist með æfingunni. 
Æfing í meðferð slasaðra um borð í USS ARLINGTON. 
Yfirstýrimaður fer um borð í USS ARLINGTON.
Áhafnir skipanna. 
Skutnum sökkt um rúma tvo metra.
