Ljósmyndarinn Ragnar Th. Sigurðsson tók stórbrotnar myndir af þyrlusveit Landhelgisgæslunnar á æfingu á dögunum.
31.5.2021 Kl: 13:28
Í gegnum tíðina hefur þyrlusveit Landhelgisgæslunnar stundað æfingar á Reykjanesi reglulega þar sem lögð er áhersla að æfa björgunarstörf í hlíðum fjalla á svæðinu. Óhætt er að umhverfið í Geldingadölum, þar sem sveitin hefur margoft æft, hafi breyst mikið síðan gos hófst á svæðinu í mars. Áhöfnin á TF-EIR æfði fjallabjörgun í nágrenni gossins á dögunum við afar góðar aðstæður.
Ljósmyndarinn Ragnar Th. Sigurðsson var með þyrlusveitinni í för og tók stórbrotnar myndir af æfingu þyrlusveitarinnar með gosið í bakgrunni.
Útsýni þyrlusveitarinnar var ekki amalegt þegar hífingar fóru fram fyrr í mánuðinum.
Útsýni flugmanna Landhelgisgæslunnar.
TF-EIR við gosstöðvarnar.
Kolbeinn Guðmundsson, stýrimaður og sigmaður, hífður um borð í TF-EIR með rennandi hraunið í bakgrunni.
Læknir og stýrimaður sigu niður úr vélinni og í hurð þyrlunnar má sjá Hrannar Sigurðsson, flugvirkja og spilmann.
Hrannar Sigurðsson, flugvirki og spilmaður, með gosið í bakgrunni.
TF-EIR við gosið.
TF-EIR á flugi.
Kolbeinn Guðmundsson, stýrimaður og sigmaður, um borð í TF-EIR.
