Landhelgisgæslan leiddi framkvæmd heimsóknarinnar.
11.10.2024 Kl: 10:13
Áhöfnin á varðskipinu Freyju fylgdi bandaríska kafbátnum,
USS Indiana, um landhelgina í vikunni. Kafbáturinn var hingað kominn í stutta
þjónustuheimsókn og áhafnarskipti. Áhafnarskiptin fóru fram í Stakksfirði.
Þetta er í fimmta sinn sem kjarnorkuknúinn kafbátur
bandaríska sjóhersins kemur í þjónustuheimsókn í íslenska landhelgi eða frá því
að utanríkisráðherra tilkynnti í apríl 2023 að slíkum kafbátum yrði heimilað
að hafa stutta viðkomu úti fyrir ströndum Íslands til að taka kost og skipta út
hluta áhafnar. USS Indiana er orrustukafbátur af Virginia-gerð og slíkir
kafbátar bera ekki kjarnavopn.
Landhelgisgæsla Íslands leiðir framkvæmd heimsóknarinnar í
nánu samstarfi við embætti ríkislögreglustjóra, Geislavarnir ríkisins og
utanríkisráðuneytið í samræmi við settar verklagsreglur.
Liðsmaður séraðgerðasveitar.
