TF-EIR og TF-GRO voru kallaðar út vegna alvarlegs umferðarslyss á Snæfellsnesi.
12.10.2019 Kl: 20:31
Þyrlur Landhelgisgæslunnar, TF-EIR og TF-GRO, voru kallaðar út laust fyrir klukkan eitt í dag vegna alvarlegs umferðarslyss nærri bænum Gröf á Snæfellsnesi. Fjórir slasaðir voru fluttir með þyrlunum á Landspítalann í Fossvogi en sá fimmti sem var í bílnum var fluttur með sjúkrabíl á sjúkrahús.
Þyrlur Landhelgisgæslunnar á vettvangi slyssins í dag.
